Skedulering van SIZA-oudits
Die skedulering van derdeparty-oudits is ‘n belangrike deel van die ouditproses en dit moet korrek gedoen word. Onthou dat ‘n SIZA oudit nie fomeel geskeduleer is, totdat dit aanlyn op die MySIZA Platform gedoen is nie.
Hoekom is dit so belangrik?
MySIZA is op só ‘n manier ontwikkel om al die inligting wat daarop gedeel word, te beskerm. Die aanlyn ouditversoek bied slegs aan die ouditeur toegang op die platform sodra die oudit formeel geskeduleer en aan ‘n spesifieke ouditspan gekoppel is op MySIZA. Vir ‘n ouditeur om die oudit te bewerkstellig, moet hulle toegang hê tot u SAQ-data sowel as u vorige ouditdata, en daarom moet toegang verleen word deur die oudit formeel aanlyn op MySIZA te skeduleer. As die oudit nie korrek op MySIZA geskeduleer is nie, kan die oudit glad nie plaasvind nie.
Wat is belangrik om te onthou wanneer ‘n oudit geskeduleer moet word?
- Die lid moet toesien dat hulle die onderskeie SAQ’s (Eties en/of Omgewing) voltooi het en dat die SAQ minstens 7 dae voor die ouditdatum deur die SIZA-kantoor goedgekeur is.
- Sodra die SAQ goedgekeur is, kan die lid die ouditmaatskappy van hul keuse op MySIZA kies om die derdeparty-oudit te laat doen. Die lid kan vooraf kwotasies en beskikbare ouditdatums van enige goedgekeurde ouditmaatskappye kry en dan die maatskappy kies wat die beste by hulle pas.
- Besoek die SIZA-goedgekeurde etiese ouditmaatskappye hier: https://siza.co.za/audits-3/recognised-audit-bodies/
- Besoek die SIZA-goedgekeurde omgewingsouditmaatskappye hier: https://siza.co.za/recognised-audit-bodies/
- Die ouditmaatskappy sal ‘n oudit-aansoekpakket aan die lid stuur wat volledig voltooi moet word en aan die ouditmaatskappy teruggestuur word.
- Onthou – die lid mag nie besluit watter ouditeur hy wil gebruik nie, en die lid mag ook nie die oudit direk met die ouditeur reël nie. Dit is oneties en dit plaas die ouditeur op risiko omdat objektiwiteit nou bevraagteken word. Die proses moet derdeparty en onafhanklik bly om deur die kopers as geloofwaardig en betroubaar aanvaar te word. Dieselfde ouditeur mag ook nie meer as twee keer opeenvolgend dieselfde plaas oudit nie.
Wanneer kan die oudit plaasvind?
Oudits moet plaasvind gedurende ‘n tydperk wanneer die werksplek/besigheid ten volle in werking is (soos piek-seison, produksie of oes). Vir etiese oudits moet daar in enige geval ‘n minimum van twee derdes (66%) van die totale aantal werknemers (bereken gedurende die besigste periode van die jaar) in die werkplek wees om die oudit as geldig te beskou. Die werksmag moet alle tipe werknemers insluit soos permanent, seisoenaal, kontrak-werkers ens. As daar enige verwerkings- of verpakkingsfasiliteite is, moet hierdie fasiliteite toeganklik wees en in werking wees om deeglike evaluering deur die ouditspan moontlik te maak.
As u vrae het oor die skedulering van oudits, kontak Werner van Dyk by (021) 852 8184/werner@siza.co.za.