Bewusmaking en kommunikasie gaan hand in hand en is van die belangrikste aspekte van ‘n suksesvolle besigheid. As ‘n onderneming nie bewus is van die vereistes en praktyke wat van hulle verwag word nie, kan hulle nie die risiko’s en vereistes in hul besigheid suksesvol bestuur nie.
By SIZA gebruik ons maandelikse nuusbriewe om belangrike inligting oor te dra en om ons lede en markte se vrae en bekommernisse aan te spreek. Ons stuur ook gereeld per e-pos kommunikasie uit waar dit nodig blyk te wees om lede vinnig in kennis te stel om te verseker dat hulle op hoogte kan bly van veranderinge en markvereistes. Om hierdie rede is dit belangrik om te verseker dat die e-posadres op u profiel altyd op datum is, dat die e-pos inboks gereeld nagegaan word en dat die e-posse gelees en reg verstaan word.
Die MySIZA-platform stuur ook van tyd tot tyd outomatiese kennisgewings aan lede om hulle in kennis te stel van aktiwiteite op hul eie profiele. Ons besef dat produsente nie die tyd het om heeldag voor hul rekenaars te sit nie, en daarom gebruik ons hierdie platformkennisgewings om u in kennis te stel wanneer u MySIZA-profiel opgedateer moet word of interaksie benodig. Hierdie platform-e-posse is ongelooflik belangrik, aangesien dit u inlig oor u lidmaatskapvervaldatums em -aktiwiteite, SAQ-sperdatums en terugvoer, ouditinligting, versoeke van markte om sigbaarheid op u profiel te hê, wagwoordopdaterings, opleiding en meer. Maak asseblief seker dat die e-posadres wat ons gebruik (info@siza.co.za) in u e-pos as “veilig” gemerk is om te voorkom dat hierdie kommunikasie in u strooipos (junkmail) gaan.
Daar kan nie redelik van SIZA verwag word om ons lede van belangrike inligting in kennis te stel sonder om e-poskommunikasie te gebruik nie, en die verwagting is dat lede die kommunikasie wat ons uitstuur, sal lees en verstaan. Ons beloof om slegs relevante en belangrike kommunikasie te stuur om nie u posbus met onnodige inligting te oorstroom wat u tyd sal mors nie. Neem die tyd om ons kommunikasie te lees.
As u van mening is dat die e-posadres op u profiel verkeerd is, kontak Lynn Taute (lynn@siza.co.za) om u besonderhede op te dateer. As u iemand by ons verspreidingslys wil voeg om inligting as ‘n addisionele kontakpunt te ontvang, gaan na die SIZA-webwerf (www.siza.co.za)en vul die vorm daar in. U is ook baie welkom om SIZA se sosiale netwerk profiele op Facebook en Twitter te volg.