“As jy nie meet nie, sal jy nie weet nie”, is ‘n frase waarmee baie produsente bekend is. Om te meet en aan te teken wat jy meet, is noodsaaklikheid en die mees basiese vereiste van enige bestuurstelsel in boerderyondernemings. Die meeste produsente het ’n basiese rekordhoudingsisteem in plek, maar as gevolg van die vinnige pas in agri-ondernemings is die taak om rekord van produksie-insette te hou, geneig om tweede te kom teenoor die ander alledaagse sakebedrywighede.
Deur die gebruik van die SIZA Digitale Rekordhouding program, kan jy jou maandelikse produksie-insette en -uitsette baie maklik monitor en bestuur. Dit beteken dat jy toegang tot jou data het met die kliek van ’n knoppie; jy kan moeiteloos georganiseerd bly:, die maksimum datasekuriteit geniet terwyl jy wys dat jy omgee vir die planeet deur papierloos te gaan. As jou data digitaal opgeneem word, sal jy nie alleen betroubare data hê nie, maar dit sal jou instaat stel om jou duim letterlik op die produksie-insette en uitsette van jou besigheid te hou.
Data-opname wat deel uitmaak van die SIZA Digitale Rekordhoudingsfunksie sluit in, volumes van die produk wat vervaardig of verwerk word, waterverbruik, elektrisiteitsverbruik, brandstofverbruik, gebruik van gewasbeskermingsprodukte of na-oes behandeling en afvalproduksie. Hierdie maatreëls is in ooreenstemming met die SIZA Omgewingsstandaard en die Selfassesseringsvraelys (SAQ).
Die Digitale Rekordhouding program laat toe dat die data wat vasgelê is, verwerk word deur ‘n onafhanklike landbou-kweekhuisgasspesialis (soos bv Confronting Climate Change (CCC)) om ‘n koolstofvoetspoorberekening te genereer. Alhoewel ‘n berekening van koolstofvoetspoor vrywillig is, sal dit produsente instaat stel om te voldoen aan die Wet op Koolstofbelasting wat vanaf Januarie 2026 in werking sal tree.
Of jy nou ’n bestaansboerdery het, ‘n opkomende boer of ‘n kommersiële boer is en/ of jy op ’n kleinhoewe woon, en of jou plaasklein of groot is , om volhoubaar te wees, moet jy behoorlike rekord hou. Wil jy: (a) verbeteringsareas binne jou besigheid identifiseer? (b) leer en groei uit jou eie ervarings en die doeltreffendheid van huidige bestuurspraktyke evalueer?
Die SIZA Digitale Rekordhouding sal jou help om ‘n stelsel te implementeer wat nog jare lank volgehou kan word. Die keuse is joune. Onthou – as jy nie meet nie, sal jy nie weet nie.
